بعض النماذج اللي بحبها و بتعجب الاطفال اوي

طبعا دي جرافته مش محتاجه كلام
سهله جدا في التنفيذ ولما بتتعمل بالوان اورسومات مشجره بتبقي شبه البلياتشوا فبتدينا شكل حلو جدا لما الطفل يعملها و يلبسها...

 وده الفار مش ناقصه غير حتته جبنه تركي ويكون ميت فل و عشره
بس هيه صعبه شويه علي الاطفال بس اكيد الكبار يعملوها ....

 فاكرين الفريره بتاعه زمااااااااااااان
نفس الفكره بس معموله بطريقه انها تكون متعلقه في الهوا وياسلام عليها و هيه في تيار هوا....

نفس الفكره بس دي مش تنفيذي دي من عند ناس تانيه هما اللي عاملينها

العصفوره دي بجد الاطفال بيتبسطوا منها جدا ياريت تحاولوا تجربوها مع اولادكوا...


















اما دي بقي انا بعملها دايما لزوجي في المناسبات زي عيد الميلاد وعيد زواجنا..ربنا يخليك ليا

احلي كلام ممكن اتشجع بيه

النهرده 31\0\2011 بعتتلي صديقه اتعرفت عليها من عالفيس احلي كلام ممكن تشجع بيه شخص و تساعده علي تحقيق حلمه او هدفه
واحده تقريبا انا معرفهاش بس قالتلي كلام بجد اتبسط جدا بيه فقولت لازم اشارككم بيه و اشارككم سعادتي بالكلام الجميل ده
‎امنيه انور من الفيس تقول :
هو ده اللى لازم نعمله يامصريين علشان مصر بكره ... نربى ولادنا
الصغيريين صح... نعلمهم اللى يفيدهم
ويخليهم منتجين... ويستثمروا وقتهم الى حيسألوا عليه . أولادنا أذكياء
وشبابنا جميل عنده طاقات
هائله لو توجه صح مصر حتبقى من أحسن دول العالم......
وفيه مجالات كتيره وشباب جميل .والأستاذه صفيه نموذج رائع يحتذى
 به ... ربنا يكرمك ويوفقك ويجعله
 فى ميزان حسناتك

حاجه مختلفه بس ما يضرش

ايه رائكوا لو ناخد فاصل من الشغل و نشغل معدتنا شويه في اكله حلوه

هنعمل باستا فلورا

دي المقادير :
3و نص كوب دقيق

نص معلقه بيكنج بودر

1 ونص كوب سمن

1 كوب سكر بودره

2 بيض

فانيليا

مربه للحشو حسب مزاجك
نعمل ايه بقي :
اضربي السمنه و السكر مع بعضهم لغايه ما يكون لونهم ابيض و بعد كده ضيفي البيض و الفانيلياونضربهك كويس واخيرا نضيف الدقيق و البيكنج بودرولما العجينه تكون متماسكه ناخد منها جزء صغير ونشيله علي جنب والجزء الباقي نفرده في صينيه وندهنه بالمربه

اما الجزء اللي كنا شيلناه علي جنب ده نشكله يا اما " شرايط او حبال او نبشره "علي وش المربه وبس خلاص

سويها بقي و ادعيلي ما تنسيش

كتاب " اساور الصداقه "

كتير منا يكون بيدور علي حاجه عالنت و تقع قدامه حاجه تانيه خالص غير اللي بيدور عليها بس ميضرش اغلب اللي بيجي من النت مفيد والكتاب ده من الحاجات اللي وقعت قدامي و انا كنت بدور علي حاجه تانيه خالص
بس قولت اعرضوا عليكوا ممكن حد يحب يعمل هديه مميزه لصاحبته او لصاحبه ما تفرقش
احنا ممكن نعملها بالخيط الصوف عادي جدا او بالخيط المخصوص بتاع الاكسسوارات وده موجود في زنقه الستات بالاسكندريه بمصر

اسيبكوا مع الصور
ولو حد مش واضحه معاه خطوه يقولي وانا هشرحهالوا اكتر.......مفيش مشكله

النهرده اتعرفت علي بنت مصريه بس من خارج القاهره و عرفت منها قد ايه هيه ملانه و مفتقده مصر ففكرت انني اقدكلها حاجه تساعدها علي كسر الملل و الغربه اللي الواحد بيحس بيها بره بلده و عقبال ما ترجعي لينا تاني ......

ان شاله اكون فيدتك في حاجه

الفكره هنا عباره عن كوره بلاستك او فل او سفنج بس المهم تكون ناشفه مش طريه وتتطبق مننا

ونلف عليها خيط لغايه ما نغطيها خالص ومتكونش باينه

وبعد كده نبدأ نزينها شواء بلصق عناصر و وحدات زخرفيه جاهزه او اننا نرسم عليها بالخيط

طيب نعمل بيها ايه دي ؟؟؟؟؟

ممكن نعلقها في شجره راس السنه
ممكن نعملها زي فكره اللعبه بتاعه الاطفال اللي بتكون متعلقه في السقف او في السرير
ممكن نعمل منها صغير اوي بحيث انها تتعلق في الميداليه الخاصه بينا

"" افكار كتيره مستنيه تجاربكوا و ارائكوا ""